ధార మల్లాపురం అనే గ్రామానికి సమీపంలో లొద్ది జలపాతం ఉంది. జలపాతం దగ్గరవరకూ కార్లు వెళ్ళవు. బైకులు అయితే వెళ్ళే అవకాశం ఉంది. గ్రామంలోనుంచి కొండదారిలోనికి తిరిగిన తరువాత, ఏటవాలుగా ఎత్తు ఎక్కే మార్గంలో వీలయినంత దూరం వెళ్ళి అక్కడ కారుని నిలుపుకొన్నాం. వెంట తీసుకొని వెళ్ళిన లంచ్ బాస్కెట్లు తలొకటీ పట్టుకొని సుమారు ఒక అర కిలోమీటరు ఎత్తు ఎక్కిన తరువాత, ముందుగా జలపాతం చేసే శబ్ధం వినిపించింది, ఆ తరువాత జలపాతం కనిపించింది. కార్లలో, వేన్లలో, బైకులమీద కొంతమంది వచ్చి ఉన్నారు. ఒకే ధారగా జలపాతం పడుతుంది. ఒక మండపం లాంటి గుడిలో పెద్ద రాతి శివలింగం, ఒక పందిరిలో మరొక చిన్న శివలింగం - దానికి ఎదురుగా నంది. దీనిని ధార మల్లిఖార్జునుని క్షేత్రం అని అంటున్నారు. శివరాత్రికి భక్తులు వచ్చి, ఈ జలపాతం క్రింద స్నానాలు చేస్తారట.
జలపాతం వీడియోలు చూడండి:
జలపాతం పడే ప్రాంతం నుంచి కొండదిగువకి నీటిని సిమెంట్ డ్రెయిన్లు కట్టి వ్యవసాయ భూమికి మళ్ళిస్తున్నారు. వాలులో కట్టిన మడులలో వరి చేలు. దమ్ముచేసుకొని, నాట్లు వేసుకొంటున్నారు. మడులన్ని పుష్కలంగా నీరు పెట్టి ఉన్నాయి.మీరు కష్టపడి వచ్చిన అలసట అంతా మరచిపోయేటంత మనోహర దృశ్యం ఆవిష్కృతమౌతుంది ఇక్కడ . దూరంగా మడుల్లో వాలిన వందల కొద్దీ తెల్లకొంగలు పండగ రోజు ఆవుపేడతో అలికిన నేల మీద రంగవల్లులు వెయ్యడానికి పెట్టిన ముగ్గుపిండి చుక్కల్లాగ ఉంటాయి. వాతావరణంలో చల్లదనం వల్ల అంతటా కమ్ముకొన్నట్టు ఉన్న పలుచటి నీలి మంచు తెర.
సాయంత్రం మూడు, నాలుగు గంటల తరువాత ఇక్కడ ఉండడం అంత ఆహ్లాదంగా ఉండదు. పిక్నిక్‌కి వెళితే ఆ సమయానికే పూర్తి అయ్యేలా ప్లేన్ చేసుకోండి. కాకినాడకి పూర్తిగా ఎనభై కిలోమీటర్లు కూడా లేని ఈ ప్రాంతం గురించి తెలియని వాళ్ళు చాలా మంది ఉన్నారు. ఈ ప్రదేశం గురించి ప్రచారం లేకపోవడమే దానికి కారణం. ఈ టపా మీకు నచ్చుతుందని అనుకొంటున్నాను.
© Dantuluri Kishore Varma
దారకొండ జలపాతం గురించి విన్నాగాని వెళ్ళ్లేకపోయా.
ReplyDeleteవాహనం దిగిన తరువాత నడక కొంచం శ్రమ ఉంటుంది శర్మగారు. ఒక పెద్దాయన - కోడలో కూతురో చెయ్యి పట్టుకొని నడిపించుకొని వెళుతుంటే `ఇది ఏ పాటి? నేను పెద్ద పెద్ద కొండలేఎక్కాను,` అని అంటున్నారు. మీ కామెంటుకి ధన్యవాదాలు.
ReplyDeletebaagundi...ee saari choodaali varma gaaroo!...@sri
ReplyDeleteశ్రీగారు,
Deleteఈ సాంకేతిక లోపం చూడాలండీ, మీ బ్లాగు గురించి. నాకే కాదు వర్మ గారికీ మీ బ్లాగ్ "మన్నా" చెప్పేసిందిట.
మీకు నచ్చినందుకు ఆనందంగా ఉంది శ్రీనివాస్ గారు. మీ బ్లాగ్‌లోనికి వెళ్ళాలంటే ఏదో సాంకేతికలోపం వస్తుందండి. మీ పోస్టులేవీ చదవలేక పోతున్నాను.
ReplyDeleteచాలా అందంగా ఉన్నాయండీ ఆ ప్రదేశాలన్నీ.
ReplyDeleteఅవును చిన్ని ఆశగారు. కొంచం ఇబ్బంది పడ్డా, మంచి ప్రదేశాలు చూశామన్న తృప్తి ఉంటుంది.
ReplyDeleteఅవును Dantuluri Kishore Varma గారూ, నేనూ చూశాని. చాలా ఆహ్లాదకరంగా ఉంది. చివరికి చేరే వరుకూ తప్పు దారిలో వెళ్తున్నామేమో అని అన్పిస్తూనే ఉంది. చివరకి వెళ్ళిన తర్వాత ఆ అలసట అంతా చేత్తో తీసివేసినట్టనిపించింది. కానీ లంచ్ తీసుకెళ్ళకపోతే వెళ్ళటం కాస్సేపు ఉండి రావటం పెద్ద గొప్పగా ఉండదు. కాబట్టి వెళ్ళే వాళ్ళు లంచ్ వెంట తీసుకుని వెళ్ళటం బెటర్.
ReplyDeleteమంచి ప్రదేశాన్ని చూసినందుకు అభినందనలు కిషోర్‌గారు. మీ స్పందన తెలియజేసినందుకు ధన్యవాదాలు.
Delete