Tuesday, 17 September 2013

నీరు

నీటివెనుక ఆకాశం

వీచే గాలి

కెరటం విరిగిపడే హోరు

మీద పడే నీటితుంపరలు

తిరిగి వెళుతూ పాదాలక్రిందనుంచి ఇసుకను తీసుకొనివెళ్ళిపోయే కెరటం..

అన్నీ బాగుంటాయి - సముద్రం పోటుమీద ఉన్నప్పుడు.

కానీ, నీరంతా వెనక్కి వెళ్ళిపోతే -

కంటిచూపుకి విసుగుకలిగించే బురద కనిపిస్తుంది...

...చెలమల్లో నిలిచివున్న నీటిలో సాయంకాలపు సూర్యుడు తన ముఖం చూసుకొనేవరకూ!

కాకినాడ బీచ్ దగ్గర తీసిన ఫోటో.

గోదావరి అందం ఉంది..విరిగిపడే సముద్రపు కెరటాల హోరు ఉంది..పచ్చని ప్రకృతి ఉంది..అడుగడుగునా గుడి ఉంది..చక్కనైన పలకరింపు ఉంది.. చిక్కనైన చమత్కారం ఉంది..నోరూరించే వంటకాల రుచి ఉంది..వీటన్నింటినీ మదిలో నింపుకొన్న జ్ఞాపకం ఉంది..కథలు..నచ్చిన సంగీతం..మెచ్చిన పుస్తకం..స్పూర్తిని నింపి ముందుకు నడిపించే మాట..ఆధ్యాత్మికత..ఇంకా చాలా ఉన్నాయి :) నా కోసం..మీ కోసం..మనందరి కోసం!