Thursday, 10 October 2013

బెలూన్లు చూడగానే చిన్నపిల్లల కళ్ళల్లో సంతోషం

చదువుకోవలసిన వయసులో పనిచేసుకొంటున్నాడని కవి గుండెల్లో జాలి

`అమ్మా బుడగలమ్మి డబ్బుతెచ్చా,` అంటే తల్లి చూపుల్లో తృప్తి

`విచారమా, కష్టమా, అసంతృప్తా..నీ బాధేమిటి?` అంటే...

`బుడగ ఐదురూపాయలు. కావాలా, వద్దా?` అంటాడు వాడు.

త్రిపురసుందరి గుడి బయట దసరా రోజుల్లో గ్యాస్ బెలూన్లు అమ్ముతున్న అబ్బాయి.

గోదావరి అందం ఉంది..విరిగిపడే సముద్రపు కెరటాల హోరు ఉంది..పచ్చని ప్రకృతి ఉంది..అడుగడుగునా గుడి ఉంది..చక్కనైన పలకరింపు ఉంది.. చిక్కనైన చమత్కారం ఉంది..నోరూరించే వంటకాల రుచి ఉంది..వీటన్నింటినీ మదిలో నింపుకొన్న జ్ఞాపకం ఉంది..కథలు..నచ్చిన సంగీతం..మెచ్చిన పుస్తకం..స్పూర్తిని నింపి ముందుకు నడిపించే మాట..ఆధ్యాత్మికత..ఇంకా చాలా ఉన్నాయి :) నా కోసం..మీ కోసం..మనందరి కోసం!