మీరెప్పుడైనా ప్రేమలోపడ్డారా?

ప్రేమంటే తెలియని వాళ్ళు ఆంధ్రదేశంలో ఉండరు. కాళిదాసు ప్రబంధాల నుంచి కృష్ణశాస్త్రి కవితలవరకూ వరకూ, యద్దనపూడి సులోచనారాణి నవలల నుంచి యండమూరి వీరేంధ్రనాథ్  ప్రేమకథల వరకూ చదివేసి, ఒక్కోసారి చదవకుండానే ప్రేమలో పడదామనుకొనేవాళ్ళు, పడినవాళ్ళు, పడి లేవనివాళ్ళు, పడి భంగపడినవాళ్ళు , ప్రేమసముద్రాన్ని ఈదినవాళ్ళు, ఒక్క అడుగు వేసి అదే సముద్రమని భ్రమపడేవాళ్ళు కలిసి ఇంచుమించు విభజించని ఆంధ్రప్రదేశ్  జనాభాఅంత ఉంటారు. కాదూ, కూడదు, నేను ఒప్పుకోను అని మీరంటే ఆ సంఖ్యలోనుంచి ఒకటి తీసివేసి లెక్కించుకోండి.

తొలిచూపుల్లో

దోరనవ్వుల్లో

మధురభాషణల్లో

కవ్వింపుచేష్టల్లో

ప్రేమ...

ఆలస్యాలలో

అలకల్లో

బుంగమూతుల్లో

బుజ్జగింపుల్లో

ప్రేమ...

అనువుకాని అపార్ధాలలో

విరహపు ఎదురుచూపుల్లో

ఘాడపు నిట్టూర్పుల్లో

విదిల్చే కన్నీటిచుక్కల్లో

ప్రేమ...

కలిసి విడిపోతే ప్రేమ..

విడిపోయి కలిస్తే ప్రేమ..

ఒకజంట ప్రేమకథ మీకు చెపుదామని ఈ ఊపోధ్గాతం. నచ్చకపోతే రేపటి పోస్టు చదవకండి. నచ్చితే మరచిపోకుండా రేపు ఇక్కడే చూడండి... 

© Dantuluri Kishore Varma