యమునాతటిలో రాధ ఇంకా ఎదురు చూస్తూనే ఉంది.

రాధాకృష్ణులు జగమెరిగిన ప్రేమికులు

బృందావనంలో వాళ్ళిద్దరి రాసలీలలు
జయదేవుడు రాసిన
అష్టపదుల్లో ఆవిష్కృతమైయ్యాయి

రాధలేకుండా కృష్ణప్రేమ సంపూర్ణంకాదు.
కృష్ణుడులేకుండా రాధలేదు.
వస్తాడు, వస్తాడని ఎదురుచూస్తూ పాడుకోవడం ఎంత బాగుంటుంది. విరహంకూడా ఆనందమే కదా!

మాధవుడు రేపల్లెలో ఎల్లకాలం ఉండలేదుగా?

మధురానగరంలో తానుమాత్రమే పూర్తిచెయ్యవలసిన గొప్పకార్యాలు ఉన్నాయి -
కంస సంహారం, ధర్మ సంస్థాపన.

బృందావనాన్ని, రాధనీ
విడవలేక, విడవలేక వెళ్ళాడు.
రాధకివిరహం తాళలేనిది అయ్యింది.

కొన్నిరోజులు గడిచాయి.

పాట ఇక్కడ చూడండి

రాచకార్యాలు విడిచి వెళ్ళలేని యశోదానందనుడు

రాధను చూసిరమ్మని దూతని పంపాడు.

చూస్తే ఏముంది?
బృందావనలోలుడ్ని తలచుకొని సజలనయనాలతో
విరహోత్కంఠిత రాధ! 

వచ్చిన వాడు ఆమె బాధకు నొచ్చుకొన్నాడు.
కృష్ణుడు బృందావనానికి ఆరాత్రే వస్తాడని అబద్దమాడాడు.

పాపం రాధ. ఎంతో ఆశతో వెళ్ళింది. 

రేయి గడిచింది, పగలు గడిచింది...
కానీ నల్లనయ్య ఇంకా రానేలేదు!
రాధ ఇంకా ఎదురు చూస్తూనే ఉంది.

పాట ఇక్కడ చూడండి

మణిరత్నం దళపతి సినిమాలోపాట. సంగీతం ఇళయరాజా, సాహిత్యం వేటూరి సుందరరామమూర్తి, గాయని స్వర్ణలత.

యమునా తటిలో నల్లనయ్యకై ఎదురు చూసెనే రాధా 
ప్రేమ పొంగులా పసిడి వన్నెలే వాడిపోయెనూ కాదా 
రేయి గడిచెనూ పగలు గడిచెనూ మాధవుండు రాలేదే 
రాసలీలలా రాజు రానిదే రాగబంధమే లేదే 
రేయి గడిచెనూ పగలు గడిచెనూ మాధవుండు రాలేదే 
రాసలీలలా రాజు రానిదే రాగబంధమే లేదే 
యదుకుమారుడే లేని వేళలో 
వెతలు రగిలెనే రాధ గుండెలో 
యదుకుమారుడే లేని వేళలో 
వెతలు రగిలెనే రాధ గుండెలో 
పాపం రాధా………… 
యమునా తటిలో నల్లనయ్యకై ఎదురు చూసెనే రాధా 
ప్రేమ పొంగులా పసిడి వన్నెలే వాడిపోయెనూ కాదా 

© Dantuluri Kishore Varma